Фудбалерите на Болоња го освоија Купот на Италија победувајќи го Милан во финалето (1:0), по што е јасно дека оваа сезона е многу неуспешна за „росонерите“.

Дојде до пехарот во Суперкупот, но Милан имаше просечна сезона во Лигата на шампионите и многу лоша во Серија А (моментно е на осмото место).

Првите најави се дека клупата ќе ја напушти португалскиот тренер Сержо Консеисао кој не успеа да го „продолжи животот“ во Милано со освојување на Купот.

– Тренерската кариера на Сержо Консеисао во Милан ќе заврши на крајот од сезоната, како што е планирано – објави познатиот новинар од Италија, Фабрицио Романо, додавајќи дека со него го напушта клубот уште еден Португалецот, играчот Жоао Феликс.

Сепак, тоа веројатно нема да биде сè кога станува збор за заминувањата, бидејќи главниот и одговорен за нивните пристигнувања, Златан Ибрахимовиќ, исто така би можел да го напушти клубот. Швеѓанецот беше неформален спортски директор на Милан и по негова наредба се донесуваа одлуки за тоа кои ќе бидат тренери и засилувања.

Ибра направи три големи грешки со тренерите во сезоната, прво го отпушти Стефано Пиоли, кој го донесе последниот трофеј во Серија А, потоа го ангажираше Пауло Фонсека и го отпушти во рок од три месеци, додека Консеисао исто така не успеа и покрај Суперкупот.