Ибрахимовиќ си заминува од Милан
Повеќенеделните шпекулации добија потврда, Златан Ибрахимовиќ и Иван Газидис не успеаја да пронајдат заеднички јазик.
Како што пренесува „Скај Спортс Италија“, Ибрахимовиќ нема да остане во Милан и во наредната сезона.
Главен проблем во преговорите со Иван Газидис и барањето на Ибрахимовиќ да добие плата од шест милиони евра, додека од друга страна управата на „росоњерите“ планира да спроведе мерки на штедење и таа сума не се вклопува во пресметките за новата сезона.
Телевизија смета дека претседателот на Милан воопшто и немал намера да го задржи Ибрахимовиќ во тимот и дека барањата на фудбалерот само го забрзале неговото заминување од „Сан Сиро“.
Како следна дестинацина на одличниот напаѓач се споменува татковината, поточно Хамарби, клуб во кој минатото лето стана акционер. Златан Ибрахимовиќ во јануари пристигна во МНилан и на 11 натпревари постигна четири гола.