И легендарниот Пеле му честиташе на Роналдо
Во вторникот Кристијано Роналдо повторно блесна на натпреварите, беше најзаслужен за триумфот на Португалија во Стокхолм над Шведска (0:2) во рамките од УЕФА Лигата на нации.
Португалецот и воедно играч на италијанскиот шампион Јувентус, беше двоен стрелец, првиот гол го реализираше од слободен удар, што беше негов 100 јубилеен во дресот на националната португалска селекција.
Никој од Европа моментно нема таков учинок, а веднаш потоа дојде и 101 гол и само уште малку му недостасува да го достигне најдобриот на вечната листа, Иранецот Али Даеи кој репрезентативната кариера ја заврши со 109 голови.
– Рекордите не се моја опсесија. Тие доаѓаат природно – рече 35-годишниот Роналдо по натпреварот на „Френдс Арена“.
Овој фантастичен учинок го поздрави и легендарниот бразилски фудбалер Пеле (79) кој му честиташе на Португалецот.
– Мислев дека ќе слави со 100 гол, но веднаш потоа дојде и 101. Кристијано, срдечно ти честитам за достигнувањето на нови височини – се зборовите на Пеле кој за репрезентацијата на Бразил вкупно 77 пати се запиша во листата на стрелците.
РЕКОРДЕРИ
До израмнување на апсолутниот рекорд на Роналдо му се потребни уште осум голови. Португалската ѕвезда кој е познат по уривањето на многу рекорди, па така се очекуваме и да го нападне достигнувањето и на Али Даеи кој воглавно запишуваше погодоци против селекции како Непал, Гуама, Шри Ланка…
1.Али Даеи (Иран) 109 голови
2.Кристијано Роналдо (Португалија) 101
3.Ференц Пушкаш (Унгарија) 84
—