Подобрата хигиена и намалениот физички контакт за време на пандемијата на ковид-19 доведоа до сериозен пад на други заразни болести, покажуваат податоците на институтот Роберт Кох.

Во периодот март-август 2020 година, бројот на овие болести се намалил за 35 проценти.

Најголем пад има кај вирусните болести кои се шират низ респираторниот тракт. Случаите на сипаници се намалиле за 85,5 проценти, а на голема кашлица за 63,7 отсто. Слична е состојбата со ширењето на инфекции кои влијаат на гастроинтестиналниот тракт. Болестите предизвикани од ротавируси се намалиле за 83,3 проценти.

Исто така, значително се намалиле и случаите на и гастроентеритисот предизвикан од норовирус – за 78,7 проценти.

Најголемо намалување на заразни болести има кај најмладите. Кај деца под четири години е 57 проценти, кај деца од 5 до 14 години 45 проценти, а за лица над 80 години 44 отсто