Се дознаа првите четвртфиналисти во ракометната ЕХФ Европска лига, тие се Флензбург, Нексе, Гранољерс и Кадетен Шафхаузен.

Флензбург и на реваншот од осминафиналето триумфираше над португалската Бенфика со 33:28. Во првиот меч беше 39:26 за германската екипа.

Нексе претрпе пораз од 27:29 на возвратната пресметка против украинскиот Мотор Запорожје. Но, благодарение на победата од првиот натпревар со 27:23, Хрватите обезбедија пласман во следната фаза.

Данскиот Скандерборг Архус не успеа да ја задржи предноста од првиот меч кога славеше со 34:32. Шпанскиот Гранољерс ја анулираше негативата и на крајот беше подобар од 30:25.

Откако во првите 60 минута славеше со 38:32, Кадетен Шафхаузен од Швајцарија и по вторпат го совлада шведскиот Истад, овојпат со 27:25.