Воената служба мора да биде соодветно скратена, изјави министерот за одбрана Иван Анушиќ денеска по комеморацијата за загинатите и исчезнатите хрватски војници и цивили во одбраната на Ласлава, велејќи дека „војникот не може да има коса на рамената“, а воената служба „не е екскурзија“.

Зборувајќи за правилата што ќе важат за двомесечната основна воена обука, Анушиќ потврди дека долгогодишниот стандард за уредни и кратки војнички фризури нема да биде укинат.

„Мора да се шишате, ама не на нула. Не можете да имате коса до рамена и да бидете војници. Долгата коса или брадите претставуваат проблем во секојдневните воени активности и борбени услови, но и во хигиената и носењето опрема. Војникот мора да изгледа уредно и примерно. Ова е основа на дисциплината, а дисциплината е основа на војската. Ова не е екскурзија“, рече Анушиќ, објавија хрватските медиуми. Хрватскиот Сабор пред еден месец ги измени одредбите од Законот за одбрана и со тоа го потврди повторното воведување на задолжителна основна воена обука.

Хрватска го врати задолжителниот воен рок, следуваат казни за оние што ќе одбијат служба