Хрватски Телеком почнува да ја гаси 3Г мрежата, СМС пораките и повиците се безбедни
Во средината на март, Хрватски Телеком ќе започне со исклучување на својата 3Г мрежа во областа Осиек, Ѓаково, Доњи Михољец, Дарда и Валпово.
Наведените области се први во Хрватска каде 3Г мрежата ќе биде заменета со 4Г и 5Г мрежа во периодот од 18 до 22 март 2024 година, додека целосното завршување на проектот за исклучување на 3Г мрежата се очекува на почетокот на следната година, пишува ИКТ Бизнис, објави Пословни.хр.
Исклучувањето на 3Г мрежата нема да влијае на користењето повици и СМС услугите. Корисниците кои користат 2Г или 3Г уреди и немаат пристап до 4Г и/или 5Г технологии можат да продолжат да ги користат своите услуги преку 2Г технологијата, со која ХT продолжува да работи и која овозможува непречена употреба на повици и СМС пораки, како и користење на сообраќајот на податоци во согласност со можностите на 2Г технологијата. Корисниците кои сакаат значително подобро искуство со мобилен интернет треба да го заменат својот уред со нов 4Г и/или 5Г уред.