Градскиот мешан хор „Балтепе“ од Тетово, под водство на најистакнатата македонска хорска диригентка, Јасмина Ѓорѓеска-Каро, вечерва (недела, 19 април), ќе одржи целовечерен концерт во Центарот за култура „АСНОМ“ во Гостивар.

Концертот е дел од серијалот пролетни настапи на хорот насловени „Блесоглас“, а на програмата се духовни и световни хорски дела од реномирани композитори, меѓу кои Лука Маренцио и Добри Христов, познати композиции од Стефан Гајдов: „Леле Јано“, „Калеш бре Анѓо“, обработки на традиционални композиции од Глигор Кондовски, како и делото „Голем староградски валцер“ од Федор Вртачник, во придружба на пијано и хармоника.

На концертот ќе настапат и гости, кои дополнително ќе ја збогатат програмата. Настанот почнува во 19 часот, а влезот е бесплатен.