Хан изразува загриженост за вонредните закони донесени од владата на Орбан

фото:ЕPA EFE/STEPHANIE LECOCQ

Европскиот комесар за финансии Јоханес Хан изрази загриженост поради вонредните закони донесени од Унгарија, што му дадоа на премиерот Виктор Орбан особено високи овластувања.

Хан, кој е потпретседател на Европската народна партија (ЕПП), за австриското радио Ое1, изјави дека го следи развојот со голема загриженост.

– Фактот дека имаме 14 држави што користат вонредни закони, од кои 13 се под целосна парламентарна контрола, често со влади кои немаат мнозинство во парламентот, покажува дека тоа е исто така можно. Затоа, да бидам искрен, имам многу малку разбирање и објаснување за тоа што Орбан оди по тој пат, со оглед дека неговата Влада, како единствена во Европа, има двотретинско мнозинство во Собранието, објасни тој.

Да се каже дека парламентот го забавува процесот на донесување одлуки, според неговите зборови, не е валиден, и затоа ситуацијата мора да се гледа со голема загриженост.

Во врска со можните санкции од страна на ЕУ, Хан рече дека најпрво е потребна анализа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот