Хамас во Газа/Фото: EPA-EFE/MOHAMMED SABER

Хамас му го предаде на Израел телото на уште еден од заложниците во Газа

Израелската војска вечерва го прими телото на еден од починатите заложници од Газа. Ковчегот со телото беше преземен од Хамас од Црвениот крст во Газа, објави „Ал Џезира“.

Израелските одбранбени сили ќе го проверат ковчегот пред да го обвијат со израелско знаме и да одржат кратка церемонија предводена од воен рабин.

Потоа останките ќе бидат однесени во Институтот за форензика Абу Кабир во Тел Авив за идентификација.

Според договорот за прекин на огнот, постигнат на 10 октомври со посредство на САД, се очекува Хамас да ги врати телата на сите израелски заложници што е можно поскоро.

Израел се согласи да ги врати телата на 15 Палестинци за секое вратено тело на израелски заложник. Хамас досега ги врати телата на 18 заложници, но ниту еден не е вратен во последните пет дена, додека Израел ги предаде телата на 195 Палестинци.

Лидерот на Хамас, Халил ал-Хаја, изјави дека движењето започнало потрага по телата на 13 заложници во нови области на Газа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот