Халанд откри кои напаѓачи ги смета за подобри од него
Фудбалерот на Борусија Дортмунд, Ерлинг Халанд, кој се смета за еден од најдобрите фудбалери на светот, во разговор за норвешкиот ВГ откри кои напаѓачи го смета за подобри од него.
На списокот се наоѓаат Кристијано Роналдо кој пет пати ја освојуваше Златната топка, потоа напаѓачот на Баерн Минхен, Роберт Левандовски, Хари Кејн од Тотенхем, Роберто Фирмињо од Ливерпул, Серхио Агуеро од Манчестер сити и фудбалерот на Челси, Тимо Вернер.
Халанд со ваквиот избор предизвика голем број на коментари на социјалните мрежи бидејќи фановите сметаат дека Норвежанецот направил погрешен избор.
Причина за реакциите на фановите е изостанувањето на напаѓачи како Килијан Мбапе од ПСЖ, Луис Суарез од Атлетико Мадрид, Ромелу Лукаку од Челси како и Карим Бензема од Реал Мадрид, а на списокот се наоѓаат Вернер кој му е резерва на Лукаку како и Агуеро кој минатата сезона беше во втор план во Сити.