Менаџерот на Манчестер сити, Пеп Гвардиола откри до кога ќе седи на клупата на англискиот шампион, тоа ќе биде до 2023 година по што ќе направи пауза од клупскиот фудбал и планира да се префрли во репрезентативниот фудбал.

Гвардиола ја започна шестата година на клупата на Манчестер сити, што е двојно повеќе отколку што остана во Баерн Минхен, додека во својата Барселона работеше од 2008 до 2012 година.

По 15 години во клупскиот фудбал, со исклучок на сезоната 2012/13 кога направи едногодишна пауза и одмораше во Њујорк, Пеп смета дека по истекот на договорот со Манчестер сити ќе биде вистинско време да ги напушти клупскиот и да се испроба во репрезентативниот фудбал.

– Да, следниот чекор ќе биде да предводам репрезентација. Сакам да бидам селектор, доколку ми се укаже можност. Морам да земам пауза по седум години во Манчестер сити, сакам да запрам малку и да учам од останатите тренери. Би сакал да предводам некоја репрезентација на Европско првенство, на Мундијал или на Копа Америка – откри Гвардиола.