Гравина ја укина суспензијата, Лукаку ќе игра на реваншот против Јувентус
Ромелу Лукаку ќе може да игра против Јувентус во реванш натпреварот од полуфиналето на Купот на Италија.
Одлуката за суспензија на напаѓачот на Интер ја укина претседателот на Фудбалската федерација на на Италија, Габриеле Гравина.
Во соопштението федерацијата наведува дека однесувањето на Белгиецот е мотивирано од расистичкиот однос на навивачите на клубот од Торино. Суспензијата на напаѓачот беше наречена „мерка за борба против сите форми на расизам“.
Лукаку погоди од пенал во 95 минута во првиот натпревар и го прослави голот затворајќи ги очите и затворајќи ги ушите со прстите во знак на протест.
Судијата ги оцени тие постапки како провокативни и на Белгиецот му покажа втор жолт картон. Така Лукаку ризикуваше да го пропушти вториот полуфинален меч против Јувентус. Реваншот меѓу Интер и Јувентус ќе се игра на 26 април, а првиот меч заврши 1:1.