По повод годишнината од катастрофалниот земјотрес што го погоди Скопје во 1963 година, од Градот информираат дека утре се организира бесплатен панорамски разглед на Скопје.

Турата е со панорамски автобус, каде преку стручен туристички водич од Македонската асоцијација на туристички водичи и придружници, заинтересираните граѓани, како што велат од Градот, ќе имаат можност де го запознаат Скопје какво што било пред земјотресот, да слушнат приказни за објектите што биле разрушени, како и за локациите што тогаш го обликувале изгледот на градот.

Настанот ќе се одржи утре, а поаѓањето ќе биде во 10:00 часот од Порта „Македонија“. Заинтересираните граѓани можат да се пријават на телефонскиот број +389 71 250 419.