Градоначалниците Таравари, Коцевски и Поцков за ударот на општинските буџети предизвикан од кризата со КОВИД-19

Во сферата на јавните финансии се соочуваме со деликатна фаза – намален промет, запирањето на активности. Има реалност во која недостигаат пари иако дојде до свеж капитал преку еврообврзницата. Владата најави продолжување на транспарентноста на јавните финансии, што значи дека трошењето на пари ќе биде на увид на локалната власт и на граѓаните.

Гости во „Утрински брифинг“ на „Слободна ТВ“ беа градоначалниците Арбен Таравари од Гостивар, Сашко Поцков од Гевгелија и градоначалникот на Велес Аце Коцевски.

Според Таравари моменталната состојба на буџетот во Гостивар е релативно тешка како и во повеќето општини.

Во буџетот немаме ни 5 до 10.000 евра, а од друга страна имаме долгови кон компании што работеле за нашата општина. Пред неколку дена имав предлог до Советот на општината да не се плаќаат комунални такси за користење на простор и донесовме одлука тоа да важи додека трае вонредната состојба. Приходите од данок на имот исто така се намалени. Главните приходи во општината се намалени. Единствена светла точка се приходите од данок на доход и добивка и капитални добивки кои се поголеми за околу 2.4 милиони денари, рече Таравари.

Градоначалникот на Велес, Аце Коцевски, вели дека во Велес се намалени приходите по сите основи, што сериозно ќе се одрази во вкупниот прцент на полнење на буџетот на крајот од годината.

-Сметаме дека уште покритично ќе биде кога се во прашње блок дотациите од ДДВ следната година. За тоа е разговарано во ЗЕЛС за да се подготви стратегија во врска со овие прашања и подготвени да ја дочекаме наредната година. Ние направивме ребаланс на буџетот. Целта ни беше да скратиме трошоци од проекти кои заради пандемијата не можат да се организираат, изјави Коцевски.

Градончалникот на Гевгелија, Сашко Поцков изјави дека општината е во исчекување на отворањето на гранците, бидејќи локалниот економски развој и се што е битно за животниот развој на Гевгелија зависи од фрекфенцијата на границите.

-Полека се влегува во нормала, се отвораат казината и угостителските објекти. Стопанските субјекти се адаптирани на ситуацијата, но многу е кратко за заклучоци. За мене е битно очекувањетоп на економските оператори. Јас не гледам со песизимизам, напротив извозно ориентираните фирми го продолжуваат извозот. АКо е прашањето за локалниот економски развој, морам да истакнам дека тој е базиран на услугите, услуги кои пред се се даваат на грчките државјани., изјави Поцков.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот