Голманот на Порто е ставен во вештачка кома, наредните 24 часа се клучни за неговиот живот
Голманот на Порто, Алфредо Кинтана, кој доживеа срцев удар за време на тренингот на својата екипа се наоѓа во вештачка кома во болницата „Сао Жоао“ во Порто.
Кинтана за време на тренингот се срушил на паркетот, но за негова среќа интервенирал медицинскиот тим, по што веднаш е пренесен во болница каде како што пишува весникот „Ожого“, здравствената состојба на голманот се стабилизирала и моменто е ставен во вештачка (индуцирана) кома и наредните 24 часа ќе бидат клучни за неговиот живот.
? O jornal OJogo avança que Alfredo Quintana está estável, mas em coma induzido.
Não brinquem com estas coisas!
Um diz que está estável, o outro diz que está em estado muito grave…
Jornalismo em Portugal… https://t.co/v9H9rWgTyF— ????ã? ???? ?? (@DragaoNews1893) February 22, 2021
Кинтана не покажувал никакви знаци на здравствени проблеми за време на тренингот, а еден ден претходно имаше 14 одбрани во победата на неговиот тим од 34:26 над Агуа Сантас.
Алфредо Кинтана е роден во Куба, но во Португалија живее од најрана возраст, а од 2010 година го брани голот на Порто каде клупски колега му е македонскиот репрезентативен голман Никола Митревски.