Голем удар за Реал Мадрид: Тешка повреда на Куртоа кој го чека долга пауза
Еден од најдобрите светски голмани Тибо Куртоа заработи тешка повреда и ќе мора да оди на операција и неколкумесечно опоравување. Тежок удар за Реал Мадрид кој остана без првиот голман за следната сезона.
Непосредно пред почетокот на сезоната, Реал Мадрид долго време беше без својот прв голман. Тибо Куртоа заработи тешка повреда која бара долго опоравување.
Белгискиот голман заработи повреда на предните вкрстени лигаменти на тренинг, Реал ја потврди тешката повреда и операцијата на својот голман во најкраток можен рок.
Тимот од Мадрид останува со Андриј Лунин на голманската позиција и ќе мора итно да најде ново голманско решение.
Голманите кои беа интересни на пазарот веќе најмногу ги променија своите средини, којзнае, можеби е прилика за Столе Димитриевски, македонскиот репрезентативен голман за кого се шпекулираше неколку пати дека би можел да се пресели на „Сантјаго Бернабеу“.