Првиот тенисер на АТП ранг-листата Новак Ѓоковиќ се наоѓа на премилинарната листа на учесници за настап на турнирот од серијата Мастерс 1000 во Индијан Велс.

Покрај Ѓоковиќ, пријавени се и останатите тенисери од врвот на ранг листата, Данил Медведев, Рафаел Надал, Александер Зверев, Стефанос Циципас…. Оваа информација ја објави тенискиот новинар Михал Самулски.

Органзаторот на турнирот во Индијан Велс, донесе одлука право за настап да имаат само тенисерите кои се вакцинирани против коронавирус. Исто така за влез во САД е задолжителна вакцинацијата, но постојат одредени медицински исклучоци кои овозможуваат влез во земјата и без вакцина.

Пријавувањето на прелиминарната листа на учесници, не значи дека тенисерите сигурно ќе настапат на турнирот кој треба да се игра од 7. до 20. март во Калифорнија, САД.