Поранешниот светски број 1, Новак Ѓоковиќ, ќе учествува на завршниот Мастерс од АТП турот, кој започнува во недела во Торино. Иако Србинот одамна обезбеди пласман, неговото учество беше неизвесно, бидејќи лани не беше дел од најдобрите осум, иако исто така имаше право на настап. Директорот на турнирот, Ангели Бинаги, потврди дека Ѓоковиќ ќе игра.

Ѓоковиќ е најуспешен тенисер на завршниот Мастерс со седум титули, една повеќе од Роџер Федерер, кој последен пат победи во 2011 година. Последната титула на Новак е од 2023 година, што беше неговиот последен голем АТП трофеј, а по него триумфираше само на турнирот во Женева, кој му беше 100. пехар во кариерата.

Завршниот Мастерс во Торино се одржува од 9 до 16 ноември. Покрај Ѓоковиќ, сигурни учесници се Синер, Алкараз, Зверев, Шелтон, Фриц и Де Минор. За последното место конкурираат Оже Алијасим и Музети, кои наскоро ќе одлучат кој ќе патува во Италија.

Преземено од: Sport.com.mk