Разделбата на Новак Ѓоковиќ и Горан Иванишевиќ е тема број еден во тениската јавност денеска. По објавата на Ѓоковиќ се огласи и хрватскиот стратег, а медиумите во Србија сега пренесуваат дека најдобриот светски тенисер донел уште една изненадувачка одлука.

Имено, се шпекулираше дека една од опциите за наследник на Иванишевиќ е Ненад Зимоњиќ со кого Ѓоковиќ тренираше во изминатите два дена, но најверојатно тоа нема да се случи.

Српски „Телеграф“ пренесува дека Ѓоковиќ донел одлука сезоната да ја заврши без тренер. Најавите се дека одлуката на Ѓоковиќ може да се промени, само ако во меѓувреме се појави некој кој би можел да му помогне на Ѓоковиќ да напредува, во спротивно Новак ќе остане без помош од клупата.

Во блиското минато краток период без тренери играа само Роџер Федерер и Ник Кирјос.