Германија за првпат призна дека извршила геноцид врз етничките групи Хереро и Нама во Намибија за време на колонијалната ера. Тие најавија дека на државата ќе и исплатат над милијарда евра помош за развој.

Министереот за надворешни работи на Германија, Хајко Мас изјави дека постигнатиот договор со Намибија, е по пет години преговори за случувања во таа африканска земја колонизирана од Германија меѓу 1884 година и 1915 година.

Масовните убиства се извршени меѓу 1904 година и 1908 година и според многумина историчарти, тоа е првиот геноцид во 20 век.