Денеска сите дилеми околу тоа кои ќе патуваат во нокаут-фазата на Светското првенство во Катар ќе бидат решени и во групата „Е“ во која сите четири репрезентации имаат шанси за првите две места.

Натпреварот Шпанија – Јапонија ќе започне од 20.00 часот на стадионот „Калифа“, а во истиот термин, но на стадионот „Ал Бајт“ ќе играат Германија и Костарика.

Во најдобра ситуација се Шпанците кои имаат четири бодови, па доволно ќе им биде и реми против Јапонија за пласман во осминафиналето. Црвената „фурија“ може да си дозволи и пораз, доколку Костарика не направи шок и не ја победи Германија.

Првата жена која ќе суди на СП ќе дели правда на важен натпревар за осминафинале

Од друга страна, во подредена позиција е Германија, која има само еден бод од две кола, па триумф против Костарика ја води понатаму, но само во случај доколку Јапонија не ја победи Шпанија.

Доколку Германија победи, а Јапонија ремизира, селекцијата со подобра гол разлика или повеќе постигнати голови ќе оди во следната фаза, па не е исклучено да видиме повторување на ситуацијата од групата Ц.

Јапонија со триумф сигурно оди во осминафиналето, но и Костарика има свои опции само доколку ја победи Германија, или доколку ремизира, а Шпанија ја победи Јапонија.

СП 2022
Група „Е“

Трето коло, двојки

20.00 часот Јапонија – Шпанија
20.00 часот Костарика – Германија

Табела:

1. Шпанија (8:1) 4 бодови
2. Јапонија (2:2) 3
3. Костарика (1:7) 3
4. Германија (2:3) 1