Германците плашејќи се од недостиг на гас почнаа да купуваат електрични греалки

Фото - Архива AFP / Profimedia

Германците, плашејќи се од недостиг на гас во есен и зима, купуваат повеќе електрични греалки, иако здруженијата за заштита на потрошувачите предупредуваат на неекономичноста од овој тип на греење.

„Гледаме натпросечна побарувачка за греалки”, велат од синџирот продавници за електрични производи Медиа Маркт/Сатурн.

Синџирот продавници за градежен материјал Хорнбах забележа 100 отсто поголема побарувачка отколку во истиот период лани. „Побарувачката нагло се зголеми во последните три недели”, вели Флоријан Преус од Хорнбах.

Покрај огромниот пораст на побарувачката за електрични греалки, се зголеми и побарувачката за други алтернативи на гас како што се печките на дрва и јаглен.

Како што јави агенцијата ДПА, германските граѓани се повеќе стравуваат дека Русија би можела целосно да ја прекине испораката на гас за Германија.

Експертите проценуваат дека наесен, кога граѓаните ќе се вратат од летните одмори, би можело да дојде до уште поголема побарувачка за електричните греалки. Истовремено,здруженијата за заштита на потрошувачите предупредуваат на високите цени на греењето со вакви уреди и посочуваат дека греењето на струја е погодно само во случај на краткотраен дефект или немање парно.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот