Газиантеп на Лука Станковски се повлече од турското фудбалско првенство
Со одлука на Управниот одбор, турскиот фудбалски клуб Газиантеп одлучи да се повлече од Суперлигата и Купот на Турција во сезоната 2022-2023.
По катастрофалниот земјотрес што ја погоди Турција, тешко е во овие моменти да се зборува за фудбал.
Газиантеп најпрво посакува Божја милост за оние кои загинаа во земјотресот, како и брзо закрепнување на ранетите.
– Се чини дека не е возможно нашиот клуб да продолжи со своите спортски активности под сите овие тешки услови. Со одлука на нашиот Управен одбор, нашиот фудбалски клуб Газиантеп одлучи да се повлече од натпреварувањата во Суперлигата и Купот на Турција во сезоната 2022-2023. Веруваме дека нашиот град и земја што поскоро ќе ги залечат раните од оваа катастрофа од земјотресот и сакаме да им се заблагодариме на сите за поддршката – пренесуваат од ФК Газиантеп.
До моментот на одлуката за повлекување од лигата, Газиантеп, новиот клуб од оваа зима на македонскиот фудбалер Лука Станковски, се наоѓаше на 10 место со 25 бодови.
ВИДЕО | Во Газиантеп се урна тврдина стара над 2 илјади години како последица на земјотресот
Турското првенство под знак прашалник: Се откажа и второлигашот Малатијаспор