Гатузо: Елмас и натаму позитивен на ковид-19!

epa08705897 Napoli's Macedonian midfielder Eljif Elmas wearing a protective face mask arrives at the Napoli Soccer Training Center in Castel Volturno, Italy, 29 September 2020. Players and staff members of SSC Napoli undergo coronavirus tests after 14 players of their last Serie A opponents Genoa CFC have been tested positive for the coronavirus COVID-19 disease. EPA-EFE/CIRO FUSCO

Тренерот на Наполи е принуден да направи промени пред првиот натпревар во новата сезона од второто по квалитет клупско натпреварување на Стариот континент, Лига Европа.

В четврток (22 октомври) клубот од „Сан Паоло“ во рамките од првото коло во групата „Ф“ ќе игра на домашен терен против холандската екипа на АЗ Алкмаар од 18.55 часот.

Џенаро Гатузо, стратегот на „наполитанците“ потврди дека на овој меч нема да може да смета на македонскиот репрезентативец Елиф Елмас и Полјакот Пјотр Зиелински кои и натаму се позитивни на ковид-19 после 21 ден.

На почетокот од месец октомври беше објавено дека нашиот играч е позитивен на ковид-19, во меѓувреме направи уште еден тест чиј резултат излезе како негативен, но тренерот на Наполи вели дека Елмас (заедно со Зиелински) и натаму не е во состојба да тренира.

Македонскиот фудбалски „дијамант“ сè уште не тренира и го чека следниот настап за клубот, а се надеваме дека наскоро ќе се врати на терените и секако биде подготвен во вистинската форма за историскиот меч на нашата А репрезентација на 12 ноември во Тбилиси против Грузија за пласман на Европското првенство.

Гатузо најави дека во стартниот состав ќе има тројца или четворица фудбалери кои не играа против Аталанта.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот