Од „широката лепеза“ на отпад зад „Џевахир“ денес може да се забележи дека тука претежно преовладуваат пластични кеси полни со тековен отпад од домаќинствата, но пространата локација е исполнета и со голем број пластични шишиња, обувки, кеси од храна, канцелариски столчиња, пластични и дрвени гајби, автомобилски гуми, огромна количина стиропор налик на заштитниот слој за нови апарати за домаќинство.

Контејнерите преполни, расфрлано ѓубре на тротоарот, на сервисната улица, низ зелената површина која иако е скриена со лимови, може да се забележи дека е претворена во една голема депонија. Дрвјата околу контејнерите не останаа „поштедени“ бидејќи на нив можеа да се забележат десетици пластични кеси, кои, според состојбата во која се наоѓаат веројатно се тука неколку недели, ако не и месеци, а една гранка беше закачено парче долна облека.

Во прилог можете да ја погледнете целата галерија од моменталната депонија зад комплексот.