Колo по коло, крајот на сезоната е сè поблиску, а сензационалниот тим на Хартс не попушта и дојде на чекор е да стави крај на неверојатната доминација што трае повеќе од четири децении.

Веќе 41 година шампионската титула во шкотскиот фудбал е резервирана само за Селтик и Ренџерс, кои се менуваат на врвот на табелата, но оваа сезона е на прагот да донесе историски пресврт.

Хартс во текот на целата сезона е лидер во Шкотска Премиер лига, и покрај тоа што многумина очекуваа пад, такво нешто досега не се случи.

До крајот остануваат уште четири кола, а Хартс има предност од три бода пред Селтик и четири во однос на Ренџерс. Дополнително, разликата со Ренџерс се зголеми откако тие доживеаја неочекуван пораз на домашен терен од Мадервел.

За викендот, Хартс ја забележа можеби и клучната победа во сезоната, правејќи пресврт во големото дерби против Хибернијан со 2-1. Херој на триумфот беше Блер Спитал, кој погоди во 86. минута и му донесе на својот тим дополнителна предност на врвот.

До крајот, Хартс го очекуваат уште два дерби дуели, најпрво на домашен терен против Ренџерс, а потоа и гостување кај Селтик во последното коло.