Фудбалерите во Бундеслигата избраа: Левандовски најдобар играч
Напаѓачот на Баерн Минхен е прогласен за најдобар фудбалер во Бундеслигата во изборот на неговите колеги.
Роберт Левандовски повторно со Баерн Минхен ја освои шампионската титула во Бундеслигата, но сезоната за него и неговиот тим се уште не е завршена бидејќи ги очекува завршницата во Лигата на шампионите.
Одличниот полски напаѓач во Бундесигата постигна 34 гола и петти пат во кариерата го доби признанието за најдобар стрелец, а денеска доби уште едно признание. Имено, Левандовски доби 42 проценти од гласовите во анкетата во која учествуваа 270 фудбалери кои играат во германските екипи и го избраа за најдобар играч во сзоната.
Второто место му припадна на играчот на Борусија Дортмунд, Џејдон Санчо кој доби 14 проценти од гласовите, додека трет е Џошуа Кимих од Баерн Минхен со 12 проценти.
Наградите за најдобар голман и тренер исто така ги освоија членови на Баерн Минхен. Мануел Ноер со 35 проценти од гласовите е избран за најдобар голман, додека Ханси Флик доби дури 61 процент од гласовите во изборот за тренер на годината.