„Франс фудбал“ ја доделува Златната топка секоја година, но само еден фудбалер е добитник на Супер златна топка
Еминентниот француски магазин „Франс фудбал“ од 1956 година редовно ја доделува Златната топка за најдобриот фудбалер во Европа. Првата награда ја прими Англичанецот, сер Стенли Метјуз, а рекордер по бројот на награди е Лионел Меси кој има шест златни топки.
До 1995 година можеа да ја добијат само европски фудбалери, а првиот играч кој не е од Европа, а ја доби наградата е Либериецот Жорж Веа.
Интересно е што „Франс фудбал“ само еднаш досега има доделено и Супер златна топка, неофицијално, тоа е награда за најдобриот помеѓу сите добитници на Златната топка.
На 26 декември 1989 година, специјалната награда ја доби легендата на Реал Мадрид, Алфредо ди Стефано.
Легендарниот фудбалер со Реал Мадрид пет пати триумфира во тогашниот Куп на Европски шампиони, осум пати беше шампион на Шпанија, а два пати ја освојуваше Златната топка.