Францускиот професор сепак бил во право: Неговиот третман за лекување на коронавирусот повторно донесе позитивни резултати
Научно-истражувачкиот институт во Марсеј го објави резимето на новата студија во која се спомнуваат заслугите на хидроксихлорокин против коронавирусот, чија методологија веднаш предизвика нови критики од медицинската сфера.
За да ги разубеди тие што не веруваат, познатиот француски професор Дидије Раул спроведе уште едно истражување, овој пат поопширно, за комбинацијата на лековите хидроксихлорин и азитромицин и повторно дојде со спектакуларни резултати.
Истражувањето опфати 1.061 пациент. После 10 дена, оздравиле 973 лица, односно повеќе од 91 отсто. Починале само 0,5 отсто. Лоши резултати се покажале кај 46 заболени, од кои 31 морале да бидат во болница уште десет дена, десетина биле префрлени на интензивна нега, а пет лица на старост од 74 до 95 години починале.
The Findings Of A New Study Involving Over 1000 Patients Unveiled By Prominent French Virologist Dr.Didier Raoult Claims Hydroxychloroquine-Azithromycin (HCQ-AZ) Combination Removed Novel Coronavirus In 92% Cases https://t.co/QLBvblxgB8
— Prasanna Viswanathan (@prasannavishy) April 11, 2020
За да ги увери сите, шефот на Медитеранската клиника за инфектологија во Марсеј ги испочитува предлогот на власта и во студијата систематски ги вклучи сите пациенти кои дошле на тестирање. Извршени биле 59.655 тестови на 38.617 пациенти од 3 до 9 април.
Позитивни резултати биле добиени кај 3.165 лица, од кои 1.061 биле одбрани за истражувањето. Просечно биле стари 43,8 години, а 46,4 отсто биле мажи.
Раул истовремено покажал дека нема никакви секундарни штетни ефекти од овој третман. Оние кои се спротиставуваат на неговиот третман, ја истакнуваат опасноста по кардиоваскуларниот систем.
