После новиот пораз на Манчестер јунајтед во Премиер лигата, убедлив на гостувањето кај Ватфорд (4:1) повторно се шпекулира за заминување на Оле Гунар Солскјер од клупата на „црвените ѓаволи“, а сега најверојатно ќе добие отказ поради лошите резултати.

Солскјер кој има важечки договор со клубот од „Олд Трафорд“ до 30 јуни 2024 година, за евентуалниот отказ ќе добие голем надомест од 7,5 милиони фунти.

Синоќа по мечот со Ватфорд беше свикан итен состанок во кој наводно веќе се донело одлука за разделба со норвешкиот менаџер, а наскоро треба да пристигне и официјална потврда.

Според сегашните пазарни опции, најверојатен кандидат за клупата на Јунајтед е поранешниот тренер на Реал Мадрид и прославен фудбалски великан Зинедин Зидан.

Зидан беше творец на историскиот успех на Реал Мадрид со три последователни ЛШ и порано работеше во соблекувална полна со фудбалски ѕвезди.

Доаѓањето на Французинот секако би го поддржал Кристијано Роналдо, бидејќи двајцата добро соработуваа во Реал и знаеја само за успеси.

Колку за споредба, Солскјер триумфираше на шест натпревари во Лигата на шампионите во неговата тренерска кариера, а Зидан освои три титули во ЛШ.

Ole Gunnar Solskjær has won six Champions League games in his managerial career…

Zinedine Zidane has won three Champions League 𝗳𝗶𝗻𝗮𝗹𝘀. 🏆🏆🏆 pic.twitter.com/RUQ6cslS2X

— Squawka Football (@Squawka) November 20, 2021