ФОТО+ВИДЕО | Златниот фустан на Хајди Клум „ја запали“ сцената на ждрепката за Светското првенство во фудбал
Ждрепката за Светското првенство во фудбал во 2026 година се одржа вечерва, а легендарниот модел Хајди Клум доби шанса да блесне како водителка.
Препорачано
Веќе на почетокот имавме можност да ја видиме заводливата Германка во огнено црвена креација со светки што ја следи линијата на телото и мами воздишки, а потоа воодушеви и со својот стајлинг на црвениот тепих. Станува збор за монохроматска комбинација – сатенска кошула и црна макси здолниште со светки, што повторно ја нагласува витката фигура.
FIFA President Gianni Infantino and model Heidi Klum react on stage at the draw for the 2026 soccer World Cup at the Kennedy Centre in Washington on Friday #WorldCup2026 https://t.co/tNhY8jxXIA pic.twitter.com/G6S9XAkCbp
— Gulf Today (@gulftoday) December 5, 2025
Но, конечниот стајлинг сепак го украде шоуто – тоа е златен макси фустан со светки што ги истакна нејзини облини и бујни гради. Фустанот е без ракави, со широки прерамки и длабоко деколте, кроен да ја следи линијата на телото и да создаде гламурозен ефект типичен за големи телевизиски настани. Нејзиниот препознатлив стил беше надополнет со права коса со густи шишки, а бидејќи самиот фустан доминира во изгледот, таа ги сведе додатоците на минимум.
View this post on Instagram
Сега се поставува прашањето дали златниот фустан повторно создаде проблем?
Имено, во 2014 година, светот беше потресен од скандал или, поточно, од тесниот фустан на Фернанда Лима, која ја водеше ждрепката за Светското првенство во Бразил.
Прекрасната Бразилка носеше златен фустан кој ја следеше линијата на телото и ја нагласи нејзината витка фигура. Длабокото деколте кое ги истакнуваше градите исто така беше забележливо, а целокупниот стил беше во границите на убаво и привлечно.
Сепак, начинот на облекување на Лима предизвика негодување во Иран, па оние што ја гледаа ждрепката за Светското првенство во живо на државната телевизија во Иран имаа многу нарушен поглед – секој кадар од Фернанда Лима беше исечен.
The World Cup draw is hotting up in Costa do Sauipe… Brazilian actress Fernanda Lima takes to the stage. pic.twitter.com/UbqSaUfUyU
— Daily Mail Sport (@MailSport) December 6, 2013
„Да бидам искрен со вас, фустанот на дамата што ја води емисијата воопшто не ги исполнува нашите упатства за емитување“, изјавил тогаш Адел Фердосипур, водителот на програмата.
Стандардна практика е државните медиуми во Иран да ја цензурираат , замаглуваат – или дури и дигитално да ја менуваат облеката на жените за да ја направат поприфатлива.
Хајди Клум и Кевин Харт ќе бидат водители на извлекувањето на ждрепките за СП во фудбал за 2026
