ФОТО+ВИДЕО | Кајли Џенер за искуството со втората бременост и зошто се „предомислиле“ за името на синот
Кајли Џенер, која на 2 февруари го роди своето второ дете со раперот Тревис Скот, сподели детали од бременоста со нејзините обожаватели. Недела дена подоцна на својот инстаграм-профил го објави името на синот – Волф Вебстер. Двојката ја дели и 4-годишната ќерка Сторми.
ФОТО | Кајли Џенер и Тревис Скот станаа родители по втор пат: Познат е и полот на бебето
Џенер сподели видео на својот јутјуб-канал со наслов „На нашиот син“, кое е омаж на нејзиното ново бебенце. Ова е надоврзување на дневничкиот видео запис од 2018 година, „На нашата ќерка“, кој ја документира тајната бременост на Џенер. Таа го дочека своето прво дете со Скот, ќерката Сторми Вебстер, на 1 февруари истата година.
Во видеото насловено „На нашиот син“, Кајли исто така соопшти дека го промениле името на нивниот син, бидејќи не му одговарало.
„Инаку нашиот син повеќе не е Волф. Едноставно навистина не се чувствувавме како да е за него името. Само сакав да споделам затоа што постојано гледам Волф насекаде“, рече таа.
Уште едно уникатно име: Кајли Џенер го откри името на нејзиниот син
Џенер не го сподели новото име на нејзиниот син
24-годишната ријалити-ѕвезда неодамна на својот инстаграм-профил откри дека нејзиното искуство по породувањето „не било лесно“.
„Ова искуство лично за мене беше малку потешко отколку со ќерка ми“, рече Џенер во видеото. „Не е лесно ментално, физички, духовно. Во ред е да не си во ред. Откако сфатив дека вршам одреден притисок врз себеси, постојано се потсетувам дека направив цел човек, убаво, здраво момче“, заклучи таа.
ФОТО | Кајли Џенер сподели фотографија со прстен: Дали се случила тајна венчавка со Тревис Скот?