ФОТО+ВИДЕО | Драма на Греми: Џенифер Лопез му се налути на Бен Афлек
Американската актерка и пејачка Џенифер Лопез и актерот Бен Афлек присуствуваа на годинашното 65. издание на музичките награди Греми, кои беа доделени во неделата.
Познатата двојка повторно го привлече вниманието, особено Лопез со нејзината сина креација од модната куќа „Гучи“, која ја комплетираше со накит од луксузниот италијански бренд „Булгари“.
И додека Лопез оставала впечаток дека ужива во свечената манифестација, Афлек делувал незаинтересирано за сè што се случувало околу него.
На една од снимките од настанот, се гледа дека Лопез го прекорува и му вели: „Престани. Изгледај попријателски настроено“.
Токму фацијалните експресии на Афлек им беа инспирација на корисниците на Твитер да се пошегуваат на негова сметка.
„Бен Афлек делува како повеќе да сака да е во ‘Данкин’“, искоментира еден од нив, осврнувајќи се на неговата добро позната страст кон ресторанот „Данкин донатс“, во кој се продаваат крофни и кафе.
Ben Affleck looks like he’d rather be at Dunkin #Grammys pic.twitter.com/tpRxT3x4ZJ
— philip lewis (@Phil_Lewis_) February 6, 2023
„Бен Афлек, трепни ако си добро“, напиша друг.
Ben Affleck, blink if you’re okay #Grammys pic.twitter.com/qO6xBPAbXl
— Chicks in the Office (@ChicksInTheOff) February 6, 2023
Многумина се пошегуваа и дека тој изгледа како едвај да чека да излезе од салата и да испуши цигара.
„Бен Афлек за време на рекламите“, стои во една шеговита објава.
Ben Affleck during a commercial pic.twitter.com/lzKtdUdfUa
— Queen Anne of Hedonia 🦒 (@MissBeteNoire) February 6, 2023
Повеќе на темата:
65. издание на наградите Греми: Хари Стајлс, Сем Смит и Бијонсе ја одбележаа вечерта
Најдобро и најлошо облечени на Греми: Бомбастично деколте и шлиц од кој боли глава
Го собори рекордот: Бијонсе со најмногу Греми награди на сите времиња