Розовото „Фиќо“, попознато меѓу загрепчани како „Змајчек“, едно од најпрепознатливите автомобили во Загреб, повторно е кај својот сопственик, пренесува хрватски „Индекс“. Веста што израдува многумина ја објави сопственикот Жељко Врховски на Фејсбук, каде кратко напиша:

„Змајчек се врати дома.“

Во краток разговор со медиумите, сопственикот низ шега рекол:

„Собирам доброволни прилози за поправка.“

Да потсетиме, необичниот „Фиат 500“ од 1964 година исчезна во четвртокот од нерегулиран паркинг на аголот меѓу улиците „Котурашка“ и „Уска“ во Загреб. Според сопственикот, кражбата се случила помеѓу 12 и 20 часот.

По пријавата во полиција, Врховски преку социјалните мрежи побара помош од граѓаните за пронаоѓање на автомобилот, кој со години беше вистинска атракција во градот.

„Змајчек“ е препознатлив по впечатливата розово-жолта боја и често привлекувал внимание и насмевки додека се движел низ улиците на Загреб.

Сопственикот претходно изјави дека добивал дојави од различни делови на градот и им се заблагодари на граѓаните за помошта и споделувањето на објавите.

Веста за исчезнувањето на розовото „Фиќо“ брзо се прошири на социјалните мрежи, а многумина изразија надеж дека автомобилот ќе биде пронајден — што на крајот и се случи, иако возилото претрпело оштетувања.

ФОТО | Украдено легендарното розово „Фиќо“, миленичето на Загреб — сопственикот апелира за помош да се пронајде „Змајчек“