ФОТО | Затвореници од КПД Прилеп ја косеа тревата на новите градски гробишта
Осудени лица од КПД Прилеп се вклучија во уредување и одржување на просторот на новите градски гробишта во Прилеп.
Препорачано
Како што информираат од Управата за извршување на санкции, активностите се реализираат врз основа на склучениот Меморандум за соработка со ЈКП „Комуналец“ Прилеп.
Затворениците биле ангажирани за косење на тревата и средување на просторот на новите градски гробишта.
„Врз основа на склучениот Меморандум за соработка со ЈКП Комуналец Прилеп, осудени лица од КПД Прилеп беа ангажирани во активности за уредување и одржување на просторот на новите градски гробишта во Прилеп. Со ваквите активности се придонесува за успешно вклучување и ресоцијализација на осудените лица, како и за создавање почиста и поуредена животна средина. Продолжуваме со заедничка соработка и активности во интерес на локалната заедница“, наведено е во соопштението.
ФОТО | Пристигнаа 50 кокошки во струмичкиот затвор, фармата ќе ја работат затворениците
