ФОТО | Заедно заминале од забава: Шакира и Дрејк ги поттикнаа гласините дека се во врска
Колумбиската пејачка Шакира и познатиот рапер Дрејк ги поттикна гласините за нивната наводна романса откако речиси истовремено заминале од забава во Западен Холивуд, Калифорнија.
Според извори за „Дејли Мејл“, 46-годишната пејачка и десет години помладиот рапер ја напуштиле забавата во раните утрински часови. Иако не ја напуштиле забавата заедно, туку заминале со разлика од неколку минути, Шакира изгледала прилично среќно.
По бурната разделба со фудбалерот Жерар Пике, со кој има два сина, името на Шакира постојано се поврзува со познати мажи. До неодамна се ширеа гласини дека, наводно, е во врска со возачот на Форума 1 – Луис Хамилтон, но и дека познатиот актер Том Круз е заинтересиран за неа.
И додека славната Колумбијка одвреме-навреме ја поврзуваат со некого, нејзиниот поранешен партнер Жерар Пике е сѐ посериозен во врската со Клара Чија Марти, со која неодамна почна да живее заедно, и тоа во куќата во која живееше Шакира по нејзиното преселување во Шпанија.