Загадување на воздухот што се смета за опасно е забележано вечерва на мерните станици во повеќе македонски градови, а најзагадено е во Струмица, каде на дел од мерните места индексот AQI, кој комбинира повеќе параметри на квалитетот на воздухот, се искачи до 174, според веб-страницата aqicn.org.

Незначително помалку загаден воздух вечерва дишат жителите на Тетово и Куманово, Битола, Кавадарци, Велес, Штип и други градови, како и во Скопје. Состојбата е лоша дури и во Охрид, каде индексот AQI се движи околу 150. Податоците покажуваат дека загадувањето почнало нагло да се зголемува во вечерните часови и дека главно се работи за ектремно зголемени концентрации на честичките ПМ2,5.

Во главниот град, загадувањето е најголемо во Карпош, Тафталиџе и во Центар. Како и во повеќе други градови во македонските котлини, состојбата со загадувањето ја влошува густата магла.

Нашиот фоторепортер Слободан Ѓуриќ ја забележа атмосферата во Скопје: