ФОТО | Водителката Александра од МТВ за првпат го покажа синот Лука
Водителката Александра Јовановска за првпат во јавноста сподели фотографија од синот Лука, кој има неполни три месеци.
Препорачано
Новинарката и водителка на емисиите „Наш подиум“ и „Стисни плеј“ на МТВ го роди Лука во ноември минатата година. Александра и нејзиниот партнер Ангел убавите вести ги објавија на нивните инстаграм-профили, а претходно шармантната новинарка јавно не зборуваше за својата бременост. Убавата вест прва ја сподели нејзината колешка, пејачката и водителка Јана Бурческа.
Нејзиниот партнер, Ангел Здравковски, е музички продуцент и ди-џеј на псај-транс музика со интернационална кариера.
„Во изминатите години неколкупати го прелета светот од Австралија до Бразил. Од него учам многу за музичката продукција. Ја анализираме домашната музичка сцена и секогаш барам мислење за новите македонски песни кои ги преслушуваме.
Заедно пораснавме, се градевме и приватно и професионално. 22 години се навистина значајна бројка, но ни тој, ниту јас сме оптоварени со времето. Не го сметаме ниту за товар, ниту за голем успех. Живееме заедно. Секоја љубов е приказна за себе.
За нашата можам да кажам дека е совршено надополнување, во кое секој има доволно слобода да биде свој и да не се претопи во другиот“, објави „Женски магазин“ во една прилика за нивната љубов.
