Познатата турска актерка Мерјем Узерли која се прослави со улогата на Хурем во серијата „Сулејман величествениот“ пристигна во Дубровник.

Таа на Инстаграм објави неколку фотографии и видеа од градот и се пофали дека гостувала на роденденската прослава на бизнисменот Мехмет Корутурк, кој е нејзин близок пријател.

Таа објави и неколку сториња, на кои се гледа дека екипата одлично се забавувала на вечерната прослава, а дружењето продолжило и следниот ден.

Убавата актерка е популарна и на Инстаграм, каде ја следат седум милиони луѓе.

Инаку, Мерјем Узерли е турска актерка со германско потекло. Мерием пораснала во Германија и зборувала малку турски, поради што го учела јазикот паралелно со снимањето на серијата „Сулејман Величествениот“. Сите нејзини претходни улоги ги играла на германски јазик. Во 2013 година го напушти снимањето на серијата, а од 103-та епизода улогата на султана Хурем, за која Мерием освои многу награди, и припадна на актерката Вахиде Гордум.