Руската манекенка Ирина Шајк го прослави својот 38-ми роденден во друштво на своите познати колешки, а на своите фанови им покажа како добро се забавувале.

Таа позираше со моделите Емили Ратајковски и Стела Максвел, а покажа фантастична линија во тесен и малку проѕирен зелен фустан.

– Те сакаме – ѝ напиша накратко Емили под заедничките фотографии.

На вечерата се приклучил и италијанскиот дизајнер Рикардо Тиши. Сите заедно биле на лизгање. Ниту снегот не ја спречи Ирина да ги покаже стомачните во проѕирна маичка која ја искомбинира со топла јакна и тесни панталони.

– Роденденско лизгање со семејството. Ви благодарам на сите што дојдовте и не се искршивте – напишала манекенката.

Да се ​​потсетиме дека до неодамна Ирина беше во врска со пензионираниот спортист Том Брејди. На нивната кратка романса ѝ дојде крајот, а Ирина сѐ уште е во одлични односи со поранешниот партнер Бредли Купер, со кој ја има ќерката Леа Де Сиена.