ФОТО: Велкоски и Велева второпласирани на Балканското првенство во стандарден шах
Во Цетиње, Црна Гора, во средата заврши првиот дел од Балканското првенство за деца и младинци (до 8, 10, 12, 14, 16 и 18 години), односно турнирот во стандарден шах.
Од 11 претставници од Македонија најдобар резултат имаа Стојан Велкоски кој освои второто место и сребрен медал во категоријата до 18 години.
Илијана Велева исто така дојде до втората позиција и сребрен медал во категоријата девојчиња до 10 години.
Според најавите, денеска, утре и во сабота се одржуваат турнирите во рапид и блиц темпо. Од Шаховската федерација на Македонија се надеваат дека надежите ќе не израдуваат уште со по некој медал.
На првенството се пријавени вкупно 106 учесници од 11 земји: Албанија, Босна и Херцеговина, Бугарија, Косово, Молдавија, Македонија, Црна Гора, Романија, Словенија и Србија. Резултатите можете да ги следите на линкот ТУКА