Убавата штипјанка Марија Данева синоќа на финалната вечер на фестивалот на забавни мелодии „Макфест 2021“, го освои третото место, но се закити и со награда за најдобар сценски настап.

 

View this post on Instagram

 

A post shared by Marija Daneva (@danevaamarija)

Марија, по радосната ноќ, денеска на своите профили на Инстаграм и Фејсбук објави фотографии од наградите коишто синоќа ги освои на „Макфест“.

„Неизмерна е среќата и задоволството да бидам дел од 36-тото издание на фестивал од вакви размери како што е „Макфест“. Растејќи со „Макфест“ уште од дете сонував за ваква можност и многу ми е драго што сонот ми се оствари, а уште повеќе што ја добив и третата награда како и наградата за најдобар сценски настап. Огромна благодарност до Роберт Билбилов кој ја направи музиката и аранжманот на мојата песна, Ана Антовска која го напиша текстот, благодарност до Јована Зајкова и Бобан Русески кои ја направија кореографијата и се виновници за освоената награда за сценски настап, моето семејство и пријатели кои ме поддржуваа во секој чекор и до сите оние кои веруваа во мене и ми ја дадоа оваа шанса“, објави емотивен пост покрај фотографиите.

 

View this post on Instagram

 

A post shared by Marija Daneva (@danevaamarija)

Марија синоќа преплавена од емоциите заплака на сцената на „Макфест“. При врачувањето на наградата од градоначалникот д-р Сашко Николов, убавата штипјанка клекна на сцената, не можејќи да ги запре солзите радосници.