Оние кои не знаат што да прават со своите пари, го сакаат фудбалот и му се восхитуваат на Лионел Меси, треба да подготват огромна сума за аукцијата на дресовите на магичниот Аргентинец, бидејќи оние од Светското првенство 2022 во Катар ќе бидат ставени на продажба следниот месец.

На аукција ќе се најдат оние дресови што ги носеше капитенот на светските шампиони на натпреварите со Саудиска Арабија, Мексико, Австралија, Холандија, Хрватска, и во финалето со Франција, а проценетата вредност е 10 милиони евра.

Доколку опремата на фудбалскиот мајстор би добила сопственици за толку пари, тоа би го соборило рекордот за дресот на кошаркарската легенда Мајкл Џордан што го носеше за време на финалето на НБА во 1998 година, кој минатата година беше продаден за 10,1 милиони долари.

Lionel Messi is going to AUCTION six of the shirts he wore in QATAR 2022.

Much of the proceeds will go to the Sant Joan de Déu Hospital in Barcelona to help children suffering from illness.

What a gesture by Messi 🙌 pic.twitter.com/eNO4xED457

— L/M Football (@lmfootbalI) November 20, 2023

Lionel Andrés Messi Cuccittini put his Argentina NT shirts in which he played all his matches in the Qatar 2022 FIFA World Cup on auction and they were estimated at more than $10M. Part of the amount will be donated to a hospital that helps injured children. (MailSport) pic.twitter.com/HY7HUM957v

— Derek Katey Caesar (@dkateycaesar) November 20, 2023

Аукциската куќа „Сотби“ објави и дека дел од средствата од продажбата на дресовите на Меси, легендата на Барса и актуелна ѕвезда на Интер Мајами ќе бидат донирани за проектот УНИКАС, иницијатива на болницата во Барселона специјализирана за ретки детски болести.

Меси со репрезентацијата на Аргентина ја освои титулата на Мундијалот во Катар откако во финалето ја совлада Франција по пенал серијата со 4:2.