ФОТО | Трамп им додели признанија на „Кис“, Силвестер Сталоне, Глорија Гејнор и други легенди
Американскиот претседател Доналд Трамп лично им додели медали на овогодинешните добитници на признанијата на Центарот Кенеди, престижна награда што се доделува за доживотен придонес во американската култура. Официјалната церемонија се одржа на 6 декември, во Овалната соба.
Препорачано
Меѓу лауреатите избрани од администрацијата на Трамп оваа година беа рок-групата „Кис“, актерот Силвестер Сталоне, пејачката Глорија Гејнор, кантри ѕвездата Џорџ Стрејт и актерот Мајкл Крофорд.
View this post on Instagram
Трамп ја пофали овогодинешната група на наградени, нарекувајќи ја „можеби најуспешната и најпозната класа“ некогаш собрана. Тој нагласи дека станува збор за „неверојатни луѓе“ кои го претставуваат „најдоброто од американската уметност и култура“, додавајќи дека ги познава повеќето од нив и е нивен обожавател.
„Секој од вас остави неизбришлив белег во американскиот живот“, рекол американскиот претседател.
Овој потег претставува значајна промена во однос на првиот мандат на Трамп, во текот на кој тој целосно го игнорираше Центарот „Кенеди“ и неговите награди. Откако се врати на функцијата во јануари, Трамп спроведе низа промени, вклучително и отстранување на одборот на директори на центарот и поставување на свои поддржувачи на Републиканската партија, кои потоа го изгласаа за претседател на одборот.
Во текот на церемонијата, Трамп имал пофални зборови за секој добитник. Кантри пејачот Џорџ Стрејт, кој носел каубојска шешир, го охрабрил да го задржи на главата. Тој го нарекол Мајкл Крофорд „големата ѕвезда на Бродвеј“, а Глорија Гејнор „кралицата на диско“. За Силвестер Сталоне рекол дека „прекрасна и спектакуларна личност“ и „една од вистинските, големи филмски ѕвезди“. Тој ја опишал групата „Кис“ како „неверојатен рок бенд“ и „меѓу најголемите уметници и изведувачи на својата генерација“.
View this post on Instagram
Особено внимание привлекла наградата за бендот „Кис“, со оглед на тоа што фронтменот Пол Стенли во 2021 година го опишал Трамп како „одвратен“ и „вистинска опасност за нашата демократија“. Стенли, исто така, ги критикувал републиканците што не го осудиле одбивањето на Трамп да признае пораз на изборите во 2020 година. И покрај тоа, Стенли во август рекол дека е горд што ја прифатил почеста. Други членови на бендот, како што се басистот Џин Симонс и тапанарот Питер Крис, ја изразиле својата благодарност. Гитаристот Ејс Фрејли, кој и претходно го поддржувал Трамп, рекол дека ова за него е „остварување на сонот“.
View this post on Instagram
Според пишувањето на „Вашингтон пост“, повикувајќи се на анонимни извори од Центарот „Кенеди“, актерот Том Круз наводно одбил да ја прифати наградата оваа година, наведувајќи „конфликти во распоредот“. Круз сè уште јавно не се огласил по повод овие наводи.
Минатата година, меѓу добитниците беа режисерот Френсис Форд Копола и бендот „Грејтфул Дед“.
View this post on Instagram
