Во хотелот „Фермонт сентери плаза“ во Лос Анџелес синоќа беа доделени наградите Critics’ Choice Awards. Ова е 28. издание на ова доделување, а водителка беше комичарката и актерка Челси Хендлер, откако  последните четири години домаќин беше актерот Таје Дигс. Номинациите ги предводеа филмовите „Everything Everywhere All At Once“ со 14 номинации и серијата „Abbott Elementary“ со шест номинации, а двете остварувања славеа во главните категории – за најдобар филм и најдобра хумористична серија.

Инаку, и црвениот тепих беше возбудлив. Десетина актерки се појавија во еднобојни жолти фустани, Кејт Бланшет и Ејми Бренеман се појавија во комбинација со макси здолниште и кошула, а голем број актерки, вклучувајќи ги Ања Тејлор-Џој и Лили Џејмс, прошетаа во проѕирни фустани. Една од најдобро облечените беше актерката Мишел Јео.

 

View this post on Instagram

 

A post shared by De Quem é o Look (@dequemeolook)

Големо внимание привлече и креацијата на водителката на свечената церемонија, Челси Хендлер, која облече креација на австралискиот дизајнер со македонски корени Тони Матичевски.

 

View this post on Instagram

 

A post shared by Chelsea Handler (@chelseahandler)

Интересната портокалова тоалета со горен асиметричен крој секако беше освежување на црвениот тепих. Едноставна и минималистичка, а истовремено со необичен крој.

 

View this post on Instagram

 

A post shared by Legally Clueless Mean Girl™ (@legallycluelessmeangirl)

Тони Матичевски освен Челзи Хендлер, е омилен креатор и на светските ѕвезди Ева Лонгорија, Кристин Стјуарт, Ким Кардашијан, Џенифер Лопез, Пенелопе Круз, принцезата Дина Абдулазиз, Хајди Клум, Бијонсе, Џејми Кинг и многу други.

ФОТО | Ева Лонгорија блеска во креација од дизајнерот со македонско потекло, Тони Матичевски

ФОТО | Светско, а наше: Кристен Стјуарт облече креација на македонскиот дизајнер Тони Матичевски