Пејачката и актерка Селена Гомез синоќа го привлече вниманието на јавноста на 83. доделување на наградите „Златен глобус 2026“.

За оваа свечена пригода, таа го оживеа стариот холивудски гламур и ги положи сите свои надежи во креативниот тим на брендот „Шанел“, пишува Си-ен-ен.

Судејќи според реакциите на мрежите, како и титулата „најдобро облечена дама“ на церемонијата на доделување на наградите, можеме да заклучиме дека познатата модна куќа не ги разочарала очекувањата на Селена.

Повеќе од 320 часа биле потрошени за создавање на оваа креација, која го оживеа стариот холивудски гламур и даде посебна доза на елеганција и гламур на црвениот тепих. Фустанот е направен од шифон, а е украсен со пердуви во горниот дел, како и отворен грб што формира В-деколте.

Треба да се напомене дека кројот на фустанот ја нагласи и витката фигура на Селена, а стајлингот го надополни со дискретен накит од брендот „Шанел“, но и со коса во ретро бранови кои дополнително го нагласија овој изглед. Не треба да се изостави и впечатливата шминка, како и црвениот кармин што го заокружи нејзиното издание.

Selena Gomez #GoldenGlobespic.twitter.com/xgsSYSU7zS

— screentime (@something_al_) January 12, 2026

ФОТО | Модата на Златните глобуси 2026: Филмските ѕвезди блеснаа на црвениот тепих