Српската старлета Сораја Вучелиќ неодамна се породи и на свет го донесе синот Кан. Новопечената мајка ја криеше бременоста од јавноста, а дури ги избриша и сите свои профили на социјалните мрежи.

Како што објави „Курир.рс“, Сораја се породила во Цирих, Швајцарија, меѓутоа, со партнерот и нивниот новороден син ќе живее во Русија, поточно во Москва.

– Во Цирих ја водеше бременоста со избраниот лекар, но наскоро ќе одлетаат за Москва, каде што ќе живеат. Доаѓа рускиот пасош за бебето и таму ќе биде нивната база. Таа  ги згасна социјалните мрежи и врти нов животен лист – изјавил изворот за „Курир“.

И покрај мистериозноста во врска со бременоста, папараците успеале да ја уловат непосредно пред породувањето.

Ниту бременоста не ја спречила да се појави во многу предизвикувачко издание – краток фустан, екстремно високи потпетици и бунда биле дел од нејзиниот аутфит.

Стралетата изгледала беспрекорно, и тоа само неколку дена пред породувањето.

ФОТО: Сораја полуде во Скопје, поради љубоморното момче избркана од локалот со извици – одбиле да ја платат и сметката

Српската старлета Сораја Вучелиќ е бремена