Хрватскиот репрезентативец и поранешен играч на РК „Вардар“ и Душица Андоновска, поранешен модел од Струмица, се венчаа во тајност, а фотографиите ги објави соиграчот од „Вардар“ на социјалните мрежи.

Нешто повеќе од една година по објавувањето на веста дека хрватскиот ракометен репрезентативец Игор Карачиќ (32) ја побарал раката на убавата струмичанка Душица Андоновска, парот се венчал во тајност, односно само во кругот на најблиските пријатели и семејството.

 

View this post on Instagram

 

A post shared by Igor Karacic (@igorkaracicc18)

Карачиќ го комбинираше костумот со патики „Адидас“, а убавата Душица го привлече внимание во едноставна кратка венчаница и бели салонки, истакнувајќи ја нејзината фит фигура. Невестата се одлучи за минимална шминка и фризура.

Душица и Игор се запознаа додека тој играше за РК Вардар, каде помина дури седум години од неговата кариера. Во моментов живее во Полска и игра за клубот Кјелце, а најверојатно и нашата Душица наскоро ќе му се придружи.

Фотографиите ги објави Кристијан Дисингер, кој исто така игра за македонскиот ракометен клуб „Вардар“, како и за германската репрезентација. Инаку, токму Дисингер е во љубовна врска со сестрата-близначка на Душица Андоновска, Марија.

Тој објави заедничка фотографија со Марија, по повод нејзиниот роденден, на која позираат во близина на познатиот Стар мост во Мостар.

 

View this post on Instagram

 

A post shared by Christian Dissinger (@christiandissinger)

Со оглед на тоа што локацијата на оваа роденденска фотографијата се поклопува со родното место на Игор Каранчиќ, најверојатно парот токму во Мостар ја организирал и свадбената веселба.