Српскиот рапер Стефан Ѓуриќ Раста беше итно хоспитализиран поради неподносливи болки, а денеска откри дека оди на операција.

Раста се сомневал дека има проблем со дискус хернија, но се покажало дека сè е посериозно отколку што изгледа, пишува српски „Телеграф“.

„Се работи за кичмата, проблем со кичмата. Не можел да застане на нозе, веднаш бил хоспитализиран во придружба на неговата девојка. Направени се итни анализи и прегледи, по што советот на лекари одлучил дека операцијата е неопходна“, изјавил изворот за „Телеграф.рс“.

Денешната операција на раперот поминала добро и тој моментално се опоравува по зафатот.

Раста одлучи и преку социјалната мрежа Инстаграм да се огласи со кратка порака:

„Фала му на Бога, на сите вас, а особено на д-р Марко. Операцијата заврши“, напиша раперот.

Тој покажа и како го поминува времето во болница. Како што можеме да видиме од објавите, раперот моментално одмара со популарниот квиз „Слагалица“, а собата во која престојува е приватна, само за него.

ФОТО | Итно хоспитализиран Стефан Ѓуриќ – Раста: Српскиот рапер се огласи од болница